كشف الفنان سامح حسين حقيقة تصريحه بشأن إلغاء الإجازات فى الأعياد والذى ساد حوله حالة من الجدال على مواقع التواصل الاجتماعي.

وقال سامح حسين فى منشوره: "جمهوري الحبيب.. كل سنة وأنتم طيبين وبخير.. بناء على طلبكم.. والناس اللي طلبت تفسير لموضوع إني بطالب بإلغاء الإجازات في الأعياد.. الكلام ده طبعا غير حقيقي بالمرة.. أنا زيكم بحب الإجازة وبحب زيكم اشتغل بإخلاص زي كل واحد في مجاله".
وأضاف: "الإجازة دي نعمة من ربنا نشحن من خلالها قوتنا لمواصلة مشوار الحياة.. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها إجازة.. لكني لم أقصد أبدا إلغاء الإجازات الرسمية.. وعلى فكرة إحنا بنحب الإجازة علشان بنشتغل.. أي حد جرب قلة الشغل مش هيحب الإجازة.. الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير.. يارب حياتكم تكون كلها أعياد وفرحة".