فتح الإعلامي محمد موسى، ملف مافيا ترقيع غشاء البكارة، لافتا إلى أن الفترة الأخيرة شهدت ارتفاع كبير جدا في الزواج العرفي على غير عادة المجتمع المصري الأصيل المحافظ للعادات والتقاليد.

وأضاف محمد موسى خلال تقديم برنامج "خط أحمر" على قناة الحدث اليوم، "فيه ناس بتعتبر ترقيع غشاء البكارة سترة للبنت إلا أن فيه ناس وخداه سكة للتجارة والكسب من خلاله، وفي الآونة الاخيرة انتشر بشكل مبالغ فيه على السوشيال ميديا يعني بقي في جروبات مسئولة مخصوص عن بيع غشاء البكارة للبنات.. المشكلة مش في الجروبات دي بس لا ده كمان في دكاترة وعيادات مشهورة بتبيع الغشاء بأسعار مش هنتخيلها، تخيلوا ياسادة غشاء البكارة بيتباع عيني عينك كده حتى بعد ما وزارة الصحة منعت بيعه في الصيدليات.

تابع، اللي بيضحك بقى في الموضوع ده إن الغشاء بقي فيه منه صيني كمان –هم يبكي وهم يضحك والله-، عشان البنات اللي بتعمل العملية وسعرها بقي غالي اوي عليها، نزل من الغشاء صيني عشان ينافسوا في السوق مقارنة بأسعار الدكاترة.