خط أحمر
الأربعاء، 26 يناير 2022 01:34 صـ
خط أحمر

صوت ينور بالحقيقة

رئيس مجلس الإدارة محمد موسىنائب رئيس مجلس الإدرةأميرة عبيد

رئيس مجلس الإدارة محمد موسىنائب رئيس مجلس الإدرةأميرة عبيد

توك شو

عمرو أديب يكشف تفاصيل مكالمته مع زوجة وائل الإبراشي.. ”حالته تدهورت سريعا”

خط أحمر

علق الإعلامي عمرو أديب على ما أثير حول تدهور الحالة الصحية للإعلامي الراحل وائل الإبراشي، قائلا: "كل مهنة في الدنيا فيها الناس الكويسة والناس الوحشة، فيها حد يقوم بعمله بشكل عظيم، وحد تانى مهمل، في حد بيهتم بعمله وحد قاتل في عمله، أي وظيفة، في مهندس بنى الأهرامات، وفي مهندس تاني بنى عمارة انهارت بعد شهرين".

وقال أديب خلال تقديم برنامج "الحكاية" على قناة "إم بي سي مصر": "عندنا فى مصر أطباء بشوات، بس وارد جدا تلاقى دكتور مش جيد، نفسى لما نيجى نقول الكلام ده النقابات متنتفضش، إحنا بنقول وقائع نريد التحقيق فيها، علشان اللى حصل ميتكررش تانى، إحنا عندنا سفيرنا فى روما، الراجل عنده 54 سنة دخل ينام ما قامش من النوم، الأعمار بيد الله وربنا هو اللى بيقرر، إيه الحساسية اللى أنتوا فيها دى، نريد أن نعرف، كيف مات وائل الإبراشي؟ لأن مش وائل بس اللى مات كده".

وأضاف: "هل أنت عاوز بنتك أو مراتك أو صاحبك يموت كدة؟ أنا بقول قوموا بدوركم، لو فى حد غلط، قولوا أن هو غلط، أنا مش خبير تشريح، ولا عاينت جثة وائل، لكن مش كل مرة أى حد يتكلم تطلعوا تقولوا الأطباء، أنتم على راسى ده أنتوا حياتى، بس زى أى مهنة فى الدنيا فيها حد كويس وحد وحش".

وتابع: "اليوم كان عندى مكالمة تلفونية طويلة مع زوجة الراحل وائل الإبراشى، قالتلى السنة اللى فاتت إحنا فى الأجازات سافرنا اليونان، وكنت بتفرج عليه فى التلفزيون بالليل، وقولتله يا وائل الكحة بتاعتك مش عاجبانى، شوف إيه الحكاية، فوائل وهو بيشتغل راح عمل مسحة وقالها أنا عندى كورونا، ودى حاجة بتحصل لأى حد، بتحصل لملايين وحصلتله، قالتله أنا هنزلك على طول وهو رفض وقالها كويس أن أنتم برة".

وأضاف: "اتصلت بأحد الأشخاص اللى شغالين معاه فى البيت، وقالتله كل يوم الساعة 4 حط الأكل لوائل على الباب لحد ما يتحسن، وكل يوم بتسأله أنت عامل إيه وأخبارك إيه وتطمن عليه، وبعدها الطيران اتقفل وهى كانت فى اليونان، فكان فى سبب قهرى أن كل حد فيهم يكون فى مكان، هى سألته قالتله مين بيعالجك، قالها على اسم دكتور، وإن فى حد رشحهوله، وقالها إن فيه الدكتور ده قاله أن فى دواء معاه بيعالج كورونا، ولما سألته عن تخصصه، قالها ده تخصص جهاز هضمى".

وتابع: "تمر الأيام، وتيجى زوجة الراحل تكلمه، تلاقيه مش عارف تنفس، وإحنا عارفين من بداية كورونا، يا إما بتتعالج صح، أو بتروح فى سكة اللى يروح ما يرجعش، وابتدت تكلمه وحاسة إنه مش بيتعالج صح، ويبدو أن الطبيب ده كان مسيطر لأنه كان قاعد معاه فى البيت، وفى يوم من الأيام قالتله لو سمحت أدينى الدكتور أكلمه، وقالتله إنه بيتدهور مش بيتحسن، ورد عليها بتعبيرات إنجليزى، وهى شعرت إنه مش دكتور جيد".

وأضاف: "قدرت بعد شوية إنها تلاقى طريقة ترجع بيها مصر، ولما رجعت لاقت وائل صحته متدهورة والتدهور ده بيزيد باستمرار، وساعتها الدكتور ده قالها أن حالته صعبة ولازم يروح المستشفى، وطبقا لما قالته زوجته، أن الشقة كانت مليانة دخان، الدكتور كان بيدخن بشراهة بجوار وائل الإبراشى ويبدو إنه كمان بيديلوا دواء غير مفهوم، لأن الدواء مش مكتوب عليها هى إيه".

وائل الإبراشي وفاة وائل الإبراشي عمرو أديب فيروس كورونا خط أحمر

أسعار العملات

العملةشراءبيع
دولار أمريكى​ 15.698615.7986
يورو​ 17.179017.2947
جنيه إسترلينى​ 19.461619.5808
فرنك سويسرى​ 16.256216.3614
100 ين يابانى​ 14.599314.6936
ريال سعودى​ 4.16854.1973
دينار كويتى​ 50.107350.5232
درهم اماراتى​ 4.27354.3015
اليوان الصينى​ 2.21032.2272

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 905 إلى 907
عيار 22 830 إلى 832
عيار 21 792 إلى 794
عيار 18 679 إلى 681
الاونصة 28,150 إلى 28,221
الجنيه الذهب 6,336 إلى 6,352
الكيلو 905,143 إلى 907,429
سعر الذهب بمحلات الصاغة تختلف بين منطقة وأخرى
بنك القاهرة
بنك القاهرة