أعرب ناصر ماهر، لاعب الزمالك، عن حزنه الشديد لعدم استدعائه لقائمة منتخب مصر في معسكر نوفمبر الحالي، بقيادة حسام حسن المدير الفني للفراعنة، معتبرًا أن استبعاده "ظلم كبير" ولا علاقة له بكرة القدم.

وقال ناصر ماهر عبر حسابه الرسمي على موقع التواصل الاجتماعي «إنستجرام»:" أنا آسف إني بنزل الكلام ده، لأنه مش طبعي خالص، لكن بصراحة الوضع محبط جدًا بالنسبة لي بسبب قائمة منتخب مصر".

وأضاف: "بكل صدق، أنا شايف إني أستحق أكون متواجد على الأقل ضمن المنتخب، خصوصًا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية، وحتى الناس العادية، بيتكلموا كويس جدًا عن أدائي في الفترة الأخيرة".

وتابع: "بصراحة، اللي حصل ظلم كبير جدًا، ومالوش علاقة بالكورة".

وأشار: "المجهود اللي بذلته كله راح كده على الفاضي، وأحلامي بتضيع بكل سهولة كأنها حاجة عادية، رغم إني عملت كل اللي المفروض أعمله".

واختتم ناصر ماهر تصريحاته قائلًا: "بجد حرام.. اللي بيحصل ده يحبط أي جبل".