أجابت وسام الخولي، أمينة الفتوى بدار الإفتاء المصرية، على سؤال حول الحكم الشرعي من "استرونج اندبندنت ومان"، وتمسك بعض السيدات بهذا الأمر مما له تأثير على المجتمع؟.

وقالت أمينة الفتوى بدار الإفتاء المصرية، خلال حوارها مع الإعلامية سالي سالم، بحلقة برنامج "حواء"، المذاع على فضائية" الناس"، اليوم الأحد: "المصطلح ده شائع جدا بين البنات والشباب، يعنى البنت اللى بتروح الشغل واللى بتعاند زوجها واللى بتعلى صوتها، وفى ناس كتير مش عارفة معناه إيه".

وتابعت: "ده مصطلح غربي تحت قضية المرأة لأنهم بيقولوا المرأة مسلوبة وعليها ظلم اقتصادى ، وعلشان كده عندهم كتب كتير بتتكلم عن حقوق المرأة، وعندهم إن المرأة عندها مشاكل، طيب دى ثقافات غربية، فى الإسلام كرم المرأة وكفل له كل الحقوق، وربنا كرم بنى آدم جميعا، ومن أجل التكريم جعل الرجل يعتنى بالمرأة فى كل مراحل حياته، فجعل الجنة جزاء من يحسن إليها وهى بنت، وجعل الجنة تحت أقدامها وهى أم، وجعلها تكملة للدين لو اراد الزواج".