على فكرة.. مين اللي اقنعنا وحط في دماغنا.. إن بكاء الراجل عيب..ومايصحش..يعني علشان أرضيكم واكون كويس في نظركم لازم اكتم ضعفي جوايا وما اعبرش عنه.. ليه كل ده .. علشان تقولوا عليا أنا راجل وقوي.

ياجماعة..مش عيب خالص.. إنك تظهر ضعفك الإنساني الطبيعي التلقائي في مواجهة بعض المواقف والتفاعلات الإنسانية خاصة الصادمة منها مثل الأزمات القويه الشديدة اللي ممكن تزلزل وجدان و خاطر الحجر مش البشر

مثل

#فقد الأحباب من الاهل والأقارب

#كسرة الخاطر من أقرب الأقرباء ..

#خيبة الأمل غير المتوقعة #والخذلان

ليه بتخبي مشاعرك الطبيعية في مواجهة المواقف دي.

كل ده علشان صورة و نظرة الناس فيك..

#يغوروا كلهم ويروحوا في #ستين داهيه تاخدهم.

ماتحاولش تكون #شخصيتين في شخصية واحدة علشان ترضى ده ودي ودول... لأ.. أوعى تعيش الصراع جوه نفسك...شخصية #جواك منهارة وترغب في تلبية نداء فطرتها وشخصية #براك عاوزة تظهر قدام الناس بقوة وصلابه عكس مشاعرك اللي جواك.

وما بين الشخصية الأولى والثانية.. بتلاقي نفسك #ممزق #ومتقطع جزئين.. وكل ده علشان #ترضي الناس..

صدقني.. مش هيرضوا عليك سواء أظهرت قوتك أو اخفتها لأن رضا الناس #غاية #لا تدرك..

ملحوظة.

من عشرين سنة وأنا أسير وراء جثمان أمي الطاهرة والدموع تترقرق في عيني .. تقدم لي أحد المعزين وقال لي.. أمسك نفسك وخليك راجل عيب كده... البكاء للحريم( عفوا للستات)...

بالذمة عليكم..ده يتقالو ايه... يارب نفهم.

#مجرد _خاطرة

.