ناس كتير لما بيشوفوا شخص طيب ولين ومتساهل معاهم بيضغطوا عليه وبيعاملوه بإستخفاف.. قال إيه...الشخص الطيب مش هيعرف يرد عليهم .. و إنه مش بيعرف يدافع عن نفسه.. نصيحتي للناس المغفلة دي.. لازم تعرفوا وتتأكدوا كمان.. إن الشخص الطيب ده...لو قلب عليك.... وهو فعلا هيقلب هيقلب هيقلب.. بس مسألة وقت لا أكثر ولا أقل.

قلبته عليك هتكون وحشه وعنيفة قوووي، ودمار شامل وممكن يضيعك بالمعنى الحرفي للكلمة

أولا..

لأنك مش متوقع رد فعله معاك... وبالتالي عنصر الذهول ممكن يموتك....

ثانيا ..

القلبة دي بتكون عادة بقوة وشدة كل المواقف اللي فاتت واللي مارضيش يرد عليك فيها.. علشان كدة مش كل صمت وسكوت وعدم رد.. معناها إن اللي قدامك راضي عليك ومبسوط منك ومش كل كلمة زي..ماشي وحاضر وطيب وأوكيه وخلاص معناها إن اللي قدامك موافقك..

أحيانا كلمة حاضر بتخفي ورائها غصة ومرار في الحلق.. خدوا بالكم وأنتم بتتعاملوا مع غيركم... علشن ماترجعوش في الآخر وتقولوا.. أصل إحنا اتفاجئنا ... وما توقعناش.. والحد ده ماكانش كده خالص.. لأ.

التراكمات والبلع بيعمل أسوء من كده..

#مجرد _خاطرة