قال السيد الرئيس عبد الفتاح السيسي «من أول ما كنت وزير حتى الآن ما عملتش أي إجراء بفضل الله سبحانه وتعالي.. أستهدف بيه دماء أحد والله يشهد على ذلك.. هما اللى بدوا.. شوفوا البيانات، بيان 3 يوليو كان معمول إزاي.. كله لطف ومحاولة للتوافق والإصلاح وأننا ندي فرصة دورة جديدة.. دورة جديدة لانتخابات الشعب.. لما نختلف.. وخلوا الشعب يقول.. انتخابات تاني.. ده تقريبا اللى اتقال في 3 يوليو.. هل قبل 3 يوليو تم القبض على حد.. لا والله».

وتابع السيد الرئيس خلال حضوره احتفالية عيد الشرطة الـ 74: «حد يضمن.. جوهر الدين ماحدش يضمن.. ضمان النجاة مش مضمون لحد إلا من رحم ربي.. حد بيصلي ويصوم وتقول من أهل الجنة.. ماحدش يدخل في الحتة دي.. الله أعلم بكل إنسان.. ده ملك وله صاحب ومسيطر عليه ومهيمن عليه هيمنة مطلقة.. ماحدش يختلف على موضوعات هي محسومة.. تعاملوا بما يرضي الله مع بعض.. بلاش تخلوا الأفكار المتطرفة اللى نتجت عن الجهل بالدين».

جاء ذلك، خلال مشاركة السيد الرئيس عبد الفتاح السيسي، في الاحتفال بالذكرى الـ74 لعيد الشرطة والذي يوافق 25 يناير من كل عام، وذلك بمجمع المؤتمرات بأكاديمية الشرطة بالقاهرة الجديدة.