قال الإعلامي محمد موسى، إن تمويل منصات إعلام الإرهابية تخطى ميزانيات دول، مضيفا: الحقيقة رغم الكم الكبير من الإنفاق اللي ربما يتخطى ميزانيات دول.. بنشوف فشل غير مسبوق لتنظيم الإخوان الإرهابي اللي مش قادر يعمل أي شيء.

وأضاف محمد موسى خلال تقديم برنامج "خط أحمر" على قناة الحدث اليوم، "فيه أدلة كتير على الفشل ده منها مثلا نفور الشعب المصري من الإعلام الإخواني وحتى أغلب اللي بيتصلوا بيهم بيكشفوا ألاعيبهم ضد البلد .. ودليل تاني هو إن البلد مكملة رغم السرطان اللي بينخر في عظامها لكنها بتواصل مسيرتها".

وتابع: "لما تكدب حاول أنك تكدب بإتقان وتحترم ذكاء الآخرين.. المقولة الشهيرة عن الكذب دي عاوز أبعتها لكل إخواني خسيس.. عايش بس علشان يكدب ويدلس على الناس.. هذه الجماعة اللي فاشلة حتى في أكاذيبها".