واصل الإعلامي محمد موسى، هجومه على إعلام جماعة الإخوان الإرهابية، التي تبث مواد مغرضة من خارج مصر لإثارة الفوضى وزعزعة استقرار مصر.

وقال محمد موسى خلال تقديم برنامج "خط أحمر" على قناة الحدث اليوم، "مفيش أسهل من إنك تكذب الكذبة وتصدقها.. ده الشعار اللي شغال بيه إخوان إبليس.. إعلام تنظيم الإخوان الإرهابي .. الناس دي اللي زي نعنانة الشهير بجو شو ولا لوسي الشهير بمعتز مطر ولا محمد ناصر أبو رانيا.. شوية المخنثين دول شغالين كذب يوميا عن البلد".

وأضاف محمد موسى، "المخنث اللي اسمه محمد ناصر طالع يكذب على الناس.. ودي حاجة مش غريبة عليه.. بيقول في أحدث خزعبلاته إن سندوتش الفول وصل لـ10 جنيه.. يا أجير يا مرتزق.. هنصحك نصيحة.. لما تحب تكذب بلاش تكذب على الناس البسيطة.. الشعب المصري أكتر من 100 مليون.. كل المصريين تقريبا بيفطروا فول الصبح.. وكلنا عارفين سعر سندوتش الفول.. طاب أنا من الأرياف وسألت عندنا عن سعر السندوتش وعرفت إنه في حدود 2 جنيه.. فريق الإعداد بتاعي من محافظات مختلفة.. اللي قالي عندنا 1.5 جنيه و2 جنيه واللي قال 3 جنيه .. يعني مفيش 10 جنيه دي يا مخنث".