علق الإعلامي أحمد شوبير على واقعة اللاعب عمرو وردة بعد فسخ تعاقده مع نادي فاركو، مشيرًا إلى أن افتقاد العقلية الاحترافية لبعض اللاعبين أضاع موهبتهم ضارباً بأمثلة كثيرة في الكرة المصرية على رأسهم عمرو زكي وميدو وإبراهيم سعيد.

وقال شوبير: «أي نادي مهما كان كبير أو صغير ما ينفعش لاعب غير منظبط يكمل فيه أنا بكلم على لاعب محترف فاهم يعني ايه احتراف ونادي ومعسكر والعقلية هنا هي اللي بتحكم تصرفات اللاعب».

وتباع شوبير: «والكرة المصرية ملسئة بنماذج من هؤلاء اللاعبين يعني مثلاً عمرو زكي حتة مهاجم فلتة وسافر إنجلترا وكسر الدنيا وحصل إنه رجع أجازة في مصر فطول شوية راحوا هن مشوه وتم فسخ التعاقد بعد ماكان مرشح يروح ليفربول ومان سيتي ومانشستر».

وتابع شوبير: «نفس الأمر مع إبراهيم سعيد وده تحديداً أنا غلبت معاه وثابت البطل الله يرحمه كمان كان يكلمه وكلنا نكلم معاه دلوقتي كل ما يشوفني يقول لي ياريتني سمعت كلامك يا كابتن».

وأضاف شوبير: «ده حتى ميدو.. ميدو ده يا جماعة كان مهاجم قوي جداً في إنجلترا ولو سألته دلوقتي هو نفسه هيقول لك لو أنا كنت متظبط كانت الدنيا تبقى معايا أحسن من كده بكثير».

واختتم شوبير: «ومعاك في السكة ناس زي كده كثير: صالح جمعة مفيش حد يختلف على موهبته وعمرو سماكة ده كان أبوتريكة الثاني، وعشان كده أنا بقول لكل لاعيب الانضباط أولاً يا ابني انت هتلعب كورة كام سنة اتمنى الناس كلها تاخد بالها من ده».