لازم تتعلم تضمد جراحك وتكون قوي و شديد.

الضعيف مالهوش مكان يحتويه.

أسمع مني و خذ نصيحتي بكرة هتتعلم تدوس على كل جراحك بس خليك شديد.

ما تتأسفش على حاجة.

تأسف بس على نفسك إللي ظلمتها.

هو أنت طبطبت على نفسك و لا سبتها و هي مكسورة و حزينة ؟

طيب أنسى خليك قوي و جامد ما بلاش الطيبة و السذاجة مش هتنفعك خليك فاكر

و دي نصيحة ليك خليك فاكر و ركز وأسمع

ما بلاش خلاص كفاية

ياما كبرت الشدائد و المحن بس ما تصعبش على جامد

مش هقولك تكون ذئب علشان الناس تهابك خليك أسد، أسد في مملكته، في عيون الناس، أسد في أي مكان الناس تعمله حساب.

ما تكونش زي قليل المقام.

و ما تديش ثقتك في الدهر علشان الدهر قلاب.

ما دورش على علاج خليك فاكر أنت علاج نفسك.

ما تشتكيش لطبييك وجعك و ما تشتكيش لا لصديقك و لا لعدوك و لا لقريبك و لا لحبيبك.

علشان ما تندمش يوم ما ينفعش الندم.

علشان ما تشربش مر الأسى في الفنجان.

علشان ما يهدش حيلك التعب والعتاب.

علشان تتعدل الأيام خليك قوي و أصيل حر.

دواك الزين ثقتك بنفسك وصبرك زي ما صبر أيوب.

قليبك ما يعرفش يضعف خليك قوي.

طفيلي نارك و أجمد وأركب حصانك و شوف طريقك و من العداء أحمي نفسك ما تخليهاش مكشوفة.

خليك ذهب من جوه و من بره.

خليك حر و قد وعدك و خليك بتصون الوداد.

لا تكب دموع على ما فيش و لا تنزل دموع الشلال على الخسيس و لا تخلي يومك يمر بسنين من الوجع يومك ليك مش ليهم.

لا تحرق قليبك و تولع فيه النار طفي النار إللي جواتك و اعتبر من العبر و القصايد.

لا تخلي العدو يشمت أفتكر أنت أسد الناس لازم تهابك و ليك مقامك

لا تتعب نفسك بنار الحيرة و يتعبك السقم.

ما تخليش الناس تشيلك علشان بكره ما تتعيرش العار أطول من العمر

أنا مش بحكيلك حكاوى و لا بسرد قصص ده واقع بنعيشه

خليك مركز وفاهم وأفهم الدرس قبل ما تحفظه.

أوعاك تحفر قبرك بأيدك وتخلي ضعفك يكون عيبك، نقطة ضعفك هتكون سلاح مدمر ليك و سهم بيصيب قليبك.

أوعاك تكون غلبان قدام التعابين.

خليك ابن الأصول وتعرف تفرق بين يجوز و لا يجوز و أوعاك تكون يوم عبد المادة خليك إنسان بأصالته.

ده إللي بتعلمه الدنيا و ما علمتوش الكراسة

خليك ظهر نفسك لو مالكش ظهر وأسند نفسك بنفسك لو مالكش سند

شدي حيلك وأمال خليك قوى.

أوعاك تذل نفسك خليها مهابة وعزها علشان تكسبها و تلاقيها.

خليك حضرتك ويا فندم مش عبد المأمور.

حتى لو كنت مش ابن بيه أنتا هتكون بيه في نظر نفسك بس عزها و أفهمها بقى ما تغلبهاش كفاية عليها قساوة.