حذر الشيخ رمضان عبدالمعز، الداعية الإسلامي، كل زوج وزوجة من إخراج أسرار البيت، إلى أى شخص سواء من الأهل أو الأصدقاء، مشيرا إلى أن هذا الأمر يعتبر سبب خراب البيوت.

وتابع عبد المعز، خلال حلقة برنامج لعلهم يفقهون، المذاع على فضائية dmc، اليوم الإثنين: "فى ملفات فى حياتنا عدم المعرفة بها أحسن، وسيدنا النبى كان كده، لازم كل راجل فى بيته لا يقف على الواحدة، بلاش نمسك فى حاجات فارغة، لو عايز تحيا حياة زوجية سعيدة، أحسن لزوجتك ولا تسيئ إليها بذكر احسانك لها، يعنى متقولهاش جيبت لك ذهب وعربية وكده، ولازم تتجاوز عن اساءتها لك يعنى متقعدش تتذكر لها ما أخطأت فيه".

واستكمل عبدالمعز: "بلاش تحكوا كل اللى بيحصل فى بيوتكم، بلاش تحكى لأمك اللى بيحصل من مشاكل صغيرة فى البيت، بلاش تفضفض مع صاحبك أو صديقتك، احفظوا أسرار البيت عشان تعرفوا تحلوا مشاكلم بينكم ولا تكبر بسبب التدخلات وهذا هو سيب خراب البيوت".