قال الفنان سمير صبري تعليقا عن حالته الصحية: "ادعيلى أمُر بالأزمة اللي أنا فيها دي، سأجري عملية دقيقة في القلب، وبقالي سنة ونص بتعالج من حاجات كيماوية والمسألة تعب أوي".

وتابع خلال مداخلة هاتفية ببرنامج "الحكاية"، مع الإعلامى عمرو أديب: "عمرى ما تأخرت على حد، وأوقفوا جنبي وساعدوني في علاجي، في المستشفى جايبنلي دكاترة وعاوز أبقى تحت رعاية حبيبي عمرو أديب، ربنا يخليك ويقدرني أرد قد ربع من اللي أنت هتعمله".

واستكمل: "بيزورني كل ما يخطر على بالك، وإيمي ودنيا سمير غانم مفيش يوم مش بيعدوا عليا في المستشفى، وبقية الشلة بتاعة الدفعة، حسين فهمى وميرفت أمين.. بس عاوزك تاخد بالك مني يا عمرو الله يخليك".

واستطرد الفنان سمير صبري: "عاوزك تدعيلي في صلاة الفجر، وأشكر الرئيس السيسي رجع مصر للعالم كله".

من جانبه قال الإعلامى عمرو أديب، إن في مصر فنانين تاريخ ونحبهم وهم أبطال الزمن الجميل، أحد الفنانين وهم مغنى عظيم وممثل متميز وإعلامي مدرسة، حيث الفنان سمير صبري، كان في صراع شديد مع المرض العام الماضي، وانتقل للمستشفى منذ أيام.

وواصل أديب: "عاوزين نقول لسمير صبري قد ايه بنحبه وبنقدره وبندعيله يعود لنا مرة أخرى ونسعد به وبكلامه وأغانيه وحكاياته العظيمة"، مردفا: "سمير صبري في مستشفى عظيم والدولة تقدر تساعد، لأنه داخل عملية دقيقة، والدولة عندها القدرة تسأل ولو فيه حاجة تقدر تعملها هتعملها، سمير صبري ديما صاحب واجب، والدولة لن تألو جهدا عشان تسأل وتشوف إيه ممكن يحتاجه سمير صبري".