البنت المحرومة عاطفيا، عمرها ماسمعت كلمة حلوة، من أي حد في بيت أسرتها، لا حد بيبوسها و لا يطبطب عليها، ولا بيمد إيده ويمسح دمعتها، ولا بيسمع آنين بكائها الصامت، ولا بيتكلم معاها ويحللها مشاكلها.

ولا بيحققلها حتى أبسط أمانيها وآمالها، أهو البنت دي لما تكبر، هتببقى جعانة وعطشانة حب، عاملة زي الأرض الجافة المتشققة، اللي أي قطرة مياه هتنزل فيها تنعشها، وتبعث فيها الحياة بعد شعور طويل من الموات.

عرفتم ليه، في بنت ممكن تسلم قلبها كله لشخص، لا يستحق ودون المستوى بكل المعايير، عارفين ليه، لانه عزف على نغمة احتياجها للكلمة الحلوة، وقلها كلمتين حلوين مزوقين دوخوها.

شبعوا بناتكم حب، قبل ماتندموا، شبعوا بناتكم وأولادك حب قبل ما تتكسر، نفسياتهم من الحرمان العاطفي، استقيموا يرحمنا ويرحمكم الله.