سمعت قبل كده عن حاجة..إسمها ( عصا الكلام الهندية )....بص ياسيدي... بص ياسيتي...إن كنت من الناس...إللي عاوزين يتكلموا على طول..ومش عاوزين حد يقاطعهم في الكلام. وكل شويه تقول الناس مش فاهمني يبقى لازم تعرف موضوع العصايه ده.. ده أسلوب رائع في كيفية إدارة الحوار.

انها عصا منحوتة بدقة طولها خمسة أقدام كتب عليها اسم النسر الأصلع ، لما يكون في مجموعة من الناس قاعدين مع بعض.إللي هيبدأ يتكلم منهم هيمسك العصاية دي ، وطول ماهو ماسك العصاية دي يبقى محدش بيتكلم وهو بيتكلم ، ولا يسمح بالكلام إطلاقا ، إلا لمن يحمل العصايه دي فقط ولا يتركها ، إلا إذا شعر هو نفسه إن كل الموجودين فهموا كلامه وطول ماهو ماسك العصايه لا يسمح لأي فرد أن يبدى له وجهة نظره أو يجادله أو يعلق على كلامه طالما ممسك بعصا الكلام و ما أن يشعر من يمسك بالعصا....أنه فهم تماما( بضم الفاء ) من الأخرين ،عليه أن يمرر عصا الكلام إلى الشخص التالي. وهذا الأسلوب قد يتيح لجميع الحاضرين ،من التعاطف مع الشخص المتحدث بغض النظر إذا كانوا متفقين أو مختلفين معه.

فإحساسك بأن هناك من يتفهم وضعك ويفهم كلامك يجعلك في المقابل أكثر انصاتا له وبالتالي أكثر فهما وتفهما لموقفه.

وبهذا الأسلوب سنضمن أن كل الأطراف المشاركة في الحوار سوف تتكلم ويفهم موقفها..وهذه كانت حكاية عصا الكلام الهندية .