نشر الفنان عمر متولي نجل الفنان الراحل مصطفى متولي، عبر حسابه علي موقع تويتر صورة تجمعه بوالده من كواليس أحد المسلسلات التاريخية التي شارك في بطولتها الراحل مصطفى متولي، وحكى قصة أغرب صورة جمعته بوللده الراحل.

وقال: «عمر.. كان عاجبني أوي طريقة اللبس والمكياچ بتاعت المسلسلات التاريخية !.. وفي يوم وأنا في التصوير مع أبويا، المساعد بتاعه قالي تعالي هخليك تلبس زي بابا.. وعملت كده وروحت فاجأته بمنظري ده، فا وقع من الضحك وخلاهم يصورونا مع بعض أكننا في مشهد بجد.. واتصورت صور حلوة اليوم ده!!».

ومن ناحية أخرى، احتفى عمر متولي مؤخرًا، باشتراكه في الجزء الثاني من مسلسل "الاختيا" الذي عاد من خلاله للشاشة الصغيرة بعد غياب نحو4 أعوام.

ونشر صورة له من المسلسل على حسابه علي انستجرام.. معلقًا: «وحشتوني جدا وأسف على التأخير.. بس محبتش أبقى موجود وخلاص.. والحمد لله هرجعلكم في مسلسل وطني عظيم كان نفسي أشارك فيه من السنة اللي فاتت.. تابعوني في الحلقات اللي جاية فالاختيار 2.. عشان المفاجآت جاية كتير».