روى مصطفى زيكو لاعب المنتخب، ما شعر به فور انتهاء مباراة مصر والأرجنتين التي أنهت مشاركة الفراعنة بكأس العالم في دور الـ16.

وقال خلال مقابلة مع برنامج «الحكاية» الذي يُقدمه الإعلامي عمرو أديب، عبر شاشة «mbc مصر»، مساء السبت: «لما الحكم صفَّر مكنتش مصدق اللي بيحصل.. شعرت بالظلم وقلت حرام وليه مانصعدش.. كان ماتش سهل وعادي وكنا ممكن نصعد».

وتحدث عن تصريحاته بعد المباراة الذي ظهر فيها باكيًّا وشكا فيها من «الظلم التحكيمي» وأن البطولة موجهة للأرجنتين قائلًا: «وأنا طالع من الملعب شدوني وحطوني قدام الكاميرا.. كنت مضايق وقررت أطلع كل اللي جوايا واللي يحصل يحصل».

وأضاف: «اتكلمت وقلت حرام إننا نتظلم.. وكل اللي قلته كان طالع من قلبي واللي كنت حاسه وبدون أي ترتيب.. كان ممكن أتعرض لأذى لكن الحمد لله ربنا سترها».

ولفت إلى أنَّ كرة القدم تقوم على الأخطاء، وقال: «الكرة بالنسبة لي إنت عاوز توصل لإيه وعاوز تاخد إيه من الماتش.. وطالما عاوز تكسب يبقى لازم تكون راجل في الملعب تكون مركز بنسبة مليون% أمام الجودة دي من اللاعبين».

ولفت إلى أن المنتخب قدم أداء أفضل من الأرجنتين، وقال: "الماتش ده أنا هافضل ندمان عليه طول عمري.. كل ما الماتش ده يتعاد هافضل ندمان.. كل كأس العالم هافضل أقول ماتش الأرجنتين ده إحنتا اتظلمنا فيه وأنا ندمان وزعلان إننا مكسبناش».

وشدد على أن هذه المباراة كانت كفيلة بنقلة الكرة المصرية، وقال: «الشعب المصري فرح بنا وإحنا خارجين من دور الـ16 على يد الأرجنتين.. فما البال لو صعدنا لدور الثمانية ونتخطى سويسرا ونتأهل لنصف النهائي».