قال النجم حسن الرداد، إن هناك فرق كبير بين فيلم يقوم على البطولة الجماعية لعدد كبير من الفنانين، وبين عمل يحمل اسم ممثل واحد أو نجم واحد، فالبطولة الجماعية لا يتحملها أحد، أما العمل الذى يقوم على البطل الأوحد أو النجم الواحد فيكون هناك ريسك كبير عليه، لإنه بيكون تحت ضغط جذب الإيرادات للمنتج الذى يريد الربح".

وأضاف الرداد قائلا: "أنا الحمد لله عملت فيلم "توأم روحى"، فبدأ كله يعمل رومانسى.. فيه فرق لما يبقى البطل بيروح يعمل فيلم.. أو فيه فيلم هو لوحده تركيبة.. لما أعمل فيلم فيه 10 فنانين بيمثلوا في عمل رومانسى أو أيا كان الفيلم نفسه مش محسوب لشخص واحد.. الفيلم لو مانجحش مش هيأثر على البطل.. لكن في النهاية لما يكون فيه نجم شباك بيعمل فيلم لوحده فى النهاية ليه سعر لازم يجيب للمنتج فلوس، فبيبقى الريسك عنده جامد جدا فبيخاف يخاطر فبيلعب على المضون لكن أنا بالنسبة لى ما بخافش.. فبقول لأ يلا نعمل رومانسى طيب ما أنا ناجح في الكوميدى وعامل زنقة ستات وعمل نجاح كبير مع الناس.. فبروح أغير عادى وأعمل نوعية فيلم آخر بتفاصيل وخط أخر.

حسن الرداد: لما عملت "توأم روحى" كله راح يعمل رومانسى

أكد النجم حسن الرداد أنه يميل لتقديم كل التصنيفات الفنية سواء كوميدى أو رومانسى أوغيرهما، موضحا أنه حريص على هذا الأمر منذ دراسته بالمعهد العالى للفنون المسرحية.

وقال الرداد:"دراستى في معهد فنون مسرحية صعبة جدا.. دخول المعهد كمان كان صعب.. ودراستى فيه خلتنى حابب أعمل كل شئ.. أستاذ جلال الشرقاوى ودكتور سعد أردش ودكتور سناء شافع ودكتورسامى صلاح ودكتورة سميرة محسن ربنا يديها الصحة.. ناس عملوا مسرح وفن .. فطبعا كان دخول المعهد حلم كبير ليا فبحاول أقدم اللى أتعلمته".

وأضاف الرداد في تصريحاته: "حاولت أتأسس فيه صح.. ودرست اللغة العربية، وقدرت اكتشف موهبتى وأعمل أنواع مختلفة من الدراما.. وطالما الحمد لله الناس بتتقبلنى في الكوميدى والدراما والرومانسى دى الحمد لله ميزة".

وتابع الرداد حديثه قائلا: "أنا عملت فيلم "توأم روحى"، فبدأ كله يعمل رومانسى.. فيلم جميل بعديه عملت فيلم "تحت تهديد السلاح"، سايكو دراما.. نوعية الأفلام دى صعبة وتقيلة وبيكون فيه ريسك جامد.. ممكن الناس تبقى عايزة كوميدى أفضل.. بس أنا ما أقدرش إن أسيب نفسى لنوع واحد، خاصة إن أنا أقدر أعمل أكثر من نوع واحد من الأفلام، عايز أبص ألاقى نفسى بعمل حاجات متنوعة وحاجات مختلفة.