كل بيت وأسرة مصرية فيها شخصية ليلي الزوجة (هند صبري في فيلم الممر).

ليلى عمود البيت الخرساني بل المعامل الخرساني ضد الزلاز، شخصية تحتاج وقفة وهي ليست بجديدة على امهاتنا وجدادتنا مثال قوي لتحمل مسؤلية بيت وطفل في غياب الزوج  وأسلوب راقي ممتص وباسط للصدمات والانفعلات في كل الظروف أسلوب يجعلك تشعر بالراحة النفسية وأنت تشاهد المشهد ما بالك لو أنت فيه أكثر من موقف استوقفني ردود أفعلها ليس بجديد على من تخرجن من تحت أيدهن التي أخرجت للمجتمع جيل يحمل المسؤولية عنده الشعور بالولاء تذكر كيف كانت تعالج الأمر ليس مع زوجها فقط بل مع صغيرها لكي  تجعله في طوع أباه وبالتالي الأسرة هذا بالمقارنة بما يحدث الآن.

ندية بين الطرفين مما يجعل الأولاد في حالة تفكك وتشتت عقلي  بجانب امكانية استغلال الظروف وكل ابن أو بنت من الأسرة يلعب على طرف مرة والطرف الآخر مرة  لصالح مصلحته الشخصيه.

شاهدنا وهو يقول لها إنك ممكن تطلقي أو تتركيني لوحدي  لفترة أكثر من مرة ماذا كان رد فعلها ونقارن بما يحدث الآن طبعا  واضح بجانب من يساعد و يزيد من النار وقد استوقفني  كلام قرأته مطلقة سألوها بعد الطلاق :

إيه الدروس اللي اتعلمتيها من تجربة الطلاق ؟

قالت : عدم التهور و أسمع أكتر ما أتكلم .

أسيب ديماً الباب موارب يمكن يكون في فرصة تانية..

أواجه مشاكلي بنفسي و مسمحش لحد التدخل فيها..

ومين شجعك من أهلك على طلاقك ؟

معظمهم تقريبا ؛؛ قليل منهم حاول مرة واحدة يقولي حافظي علي بيتك وإنك بتخربي بيتك وتشتتي مستقبلك ومستقبل ألاولاد...

وهل المؤيدين للطلاق واقفين جمبك دلوقتي زي ما كانوا واقفين معاكي و بيشجعوكي ؟

مفيش حد فاضيلي و لا فاضي لأولادي، أخويا أتجوز وعايش مع مراتة وخلف؛ لو يوم غضبت زوجته يجنن زي العيال علشان ترجعله..

أختي بعد ما أنا اتطلقت؛ اتعلمت من تجربتي لو حصل خلاف بينها و بين جوزها تحله في بيتها..

عملتي إيه بفلوس الطلاق والقايمة ؟

اللي استعمل  واللي خلص و باقي القايمة مرمية في مخزن تحت البيت.

 لو طليقك عايز يرجعك لعصمته ممكن ترجعى

 أرجع  أزاي مش ممكن يفكر أصلا بعد الحصل و لف على محاكم الأسرة ومفيش أصلا باب متوارب

النتيجة أنني كنت مجرد حقل تجارب؛ ووجود فراغ المشاعر وجو  الأسرة والبيت و قدري أني أشوف غيري مبسوط و مرتاح و أنا بتحسر على حياتي إللي ضيعتيها بإيدي و إرادتي

 الكل بيقول اتطلقي.. وإبتدي من جديد.. والحياة فاتحالك دراعتها.

مين قال إن الطلاق حاجة سهلة و بسيطة كده، مين أصلًا يجرؤ يدي واحدة نصيحة يقولها اتطلقي؟.. مين يقدر يشيل وزر قرار انفصال اتنين كانو سكن لبعض، لما بنقول ماتقبلوش الضرب و الإهانة و لا الخيانة دي مش دعوة للطلاق أبدًا، كدة تصحيح غلط  بغلط بيوقع أضرار جسيمة على الست و على الأطفال والأسرة  لأنه مش وضع طبيعي و لا يرضي الله.