انتقد الإعلامي عمرو أديب، الخوض في حياة الفنان هشام سليم الشخصية بعد وفاته، قائلا: "هشام سليم مات.. انتم مالكم باللي حصله".

وأضاف الإعلامي عمرو أديب، خلال تقديمه برنامج "الحكاية"، المُذاع عبر فضائية "إم بي سي مصر"،: "بقالنا سنتين مش بنسيب الناس اللي ماتوا في حالهم.. ليه بقيتوا متوحشين كده"، متابعا: "هو إحنا ليه مبقيناش نعرف نسيب حد يموت في سلام"، لافتا: "ده أنا بقيت خايف أموت علشان هيتعملي حفلة غير طبيعية".

وأشار: "خايف أموت والله مش خوفا من الموت لكن من اللي هتعملوه.. أنا مش عايز أموت عشان اللي أنتم بتعملوه ده، أكيد هتعملوا معايا واجب"، مضيفا: "لو سمحتوا لما أموت قولوا الله يرحمه بس".