أكدت الإعلامية أميرة عبيد على أهمية الكشف قبل الزواج، وضرورة تنظيم النسل للحفاظ على الصحة الإنجابية، مشيدة بتوجيها الرئيس عبدالفتاح السيسي في هذا الشأن قائلة: "الرئيس عبدالفتاح السيسي لفت نظرنا بطريقة سهلة وبسيطة من حوالي 5 شهور أثناء حديثة عن الصحة الإنجابية والكشف قبل الزواج في حديث خرج من القلب".
وأضافت أميرة عبيد خلال تقديم برنامج "هي وهما" على قناة الحدث اليوم، تخيلوا إن لسه في بعض القري والنجوع بنات صغيرة جداً مخلفين؟ يعني طفلة شايلة طفل ولسه لحد النهاردة لما بنروح نزور العروسة يوم الصباحية بدل منقول لها مبروك وزواج مبارك بنقول لها عقبال عوضك ولما يجي العوض بعد ٩ شهور زواج بدل منقول ربنا يرزقكم برزقة بنقول عقبال ما تخوي".
تابعت، "ولو بعد الجواز مخلفتش يفضلوا يسألوها خير مفيش حاجة جاية في السكة ؟ واقتحم خصوصاً رخم وملوش أي لأزمة ، وعند الخلافات والطلاق الأطفال هي اللي بتدفع التمن ويطلع الطفل مريض نفسي ويتصف من ضمن قائمة أشباه الرجال وتطلع البنت بدون أخلاق وملهاش مرجع وتصنف ضمن سيئات السمعة وهما في الأساس ضحية اتنين متجوزين عشان يخدو لقب اجتماعي هو يكون اب وهي متكنش عانس".