أعرب الفنان محمود العسيلي، عن رفضه لبرامج اكتشاف المواهب ونجوم الفن الصغار، قائلا: "برامج المواهب بيطلع منها مواهب قليلة جدا، وبيختفوا عشان محدش بيتبناهم وبيصعبوا عليا، ولما بيجيلى فرصة أدى لحد فرصة غناء بعمل كده، وأنا بهاجم النتيجة مش البرامج والناس دي بتطلع وتشتهر وبيبقى لهم جمهور وفجأة بينازلوا على مفيش".

وأوضح الفنان محمود العسيلي، خلال حواره ببرنامج "شيخ الحارة والجريئة" مع المخرجة إيناس الدغيدي، على قناة القاهرة والناس، أن هناك نجوم أمثال كارمن سليمان ومحمد عساف لديهم إمكانيات أكبر من نسبة نجاحهم من برامج المواهب، ولديهم جماهيرية كبيرة لم تستغل في الطريق الصحيح.

وتحدث محمود العسيلي عن بدايته الفنية قائلا: "أغنية مجنونة كنت بهزر بيها مع الناس، ودي أول أغنية غنتها، وكنت لسه طالع من البيضة ولو عملتها برة فى أمريكا كان زماني ملياردير"، مؤكدا عدم وجود صناعة موسيقى فى الوطن العربي وانتهاكات حقوق الملكية الفكرية.