كشفت الفنانة داليا البحيري تطورات حالتها الصحية، بعد إصابتها بتمزق في صباع الإبهام، أثناء عرضها مسرحية سيدتي أنا.

وقالت البحيري في تصريحات صحفية لها: وقعة بسيطة وأنا زي الفل.. والحمدلله كان آخر يوم عرض امبارح وعندنا إجازة بتاع أسبوعين تلاته ارتاح فيهم.

من جانبه، كانت قالت داليا البحيري خلال لقائها مع الإعلامي رامي رضوان في برنامج مساء DMC: المسرح القومي له قيمة كبيرة جدا وهو من أقدم المسارح ووقف عليه عباقرة، والمسرح بشكل عام له هيبة وحالة خاصة وزي الأوبرا، وأنا عملت مسرحية واحدة بس مع هاني رمزي ولكنها مختلفة تماما عن شخصيتي في مسرحية سيدتي أنا.

وواصلت داليا البحيري: مكنتش مستوعبة في البداية فكرة الوقوف على المسرح القومي ولقيت نفسي بصحى مخضوضة من النوم؛ لأني بحس إني مش هقدر على المجهود وفكرت اعتذر عن المسرحية من التوتر والخوف، لكن دعيت ربنا يمنحني القوة أقف على المسرح القومي.

هذا وقالت داليا البحيري، ببرنامج "سبوت لايت" الذي تقدمه الإعلامية شيرين سليمان على قناة "صدى البلد": «أقدم شخصية ليزا وهي فتاة بتنام في الشارع ومن الحثالة ولازم شكلها يكون زي ما أنا طالعة بيه كدا، وعاملة حاجة مختلفة عن أي حاجة اتعملت قبل كده».

وتابعت داليا: «الوقوف على خشبة المسرح حاجة مش سهلة خالص، وأنا متشرفة بكل واحد اشتغل في المسرحية دي وبشكرهم وبحبهم جدا ودي أول تجربة لي على المسرح القومي وبقدم في المسرحية أكتر من استعراض».