وجهت الإعلامية رضوى الشربيني رسالة لوالدتها من خلال استضافتها في برنامج "أنا والقناع" الذي تقدمه الإعلامية منى عبدالوهاب وهي في حالة من الإنهيار والبكاء وقالت: "كنتي دايما بتقولي لي أن بكرة لما أموت هتقولي ولا يوم من أيامك يا أمي" فلو إنتي سمعاني دلوقتي ... أنا بأقولها كل ثانية".

وروت الشربيني لأول مرة تفاصيل وفاة والدتها منوهة أن الأمر حدث وقت انتشار وباء الكورونا، وحكت بطريقة مؤثرة أن المنزل بالكامل أُصيب بالكورونا، خاصة بعد أن تواصلت مع وزارة الصحة، والألم الذي شعرت به، بعد أن وجدت أن نسبة الأكسجين ضعيفة جدا، وكان لابد من نقلها للمستشفى.

في هذا الوقت قالت والدتها لها: "لو دخلتيني المستشفى أنا هاموت، هونت عليكي وقلت لها إنه بس 48 ساعة هنظبط فيها الأكسجين، وبعد 12 يوما مرت وهو أصعب أيام في حياتي، وكان الدكتور بيبعت لي حد يديني حقنة عشان أقدر أشوف البيت وأعمل تحليل لكل الناس اللي في البيت واروح لوالدتي واتخانق مع الدكتور وكنت باحمد ربنا إني كورونا إيجابي عشان أقدر أشوفها لغاية يوم اللي على غير العادة الدكتور كلمني وقالي تعالي شوفي مامتك عشان تتحسن وتبقي أحسن، فتعالي شوفيها فرحت على طول، وكلمت أخويا محمد، وقلت له ماما عايزة تشوفنا، ووصلت الأول وكانت لا ترد، عندما جاء محمد شقيقي فاقت وبعدين بصيت لي، وقالت لنا احنا الاتنين خلي بالكم على بعض، وبعدين كل الأجهزة وقفت، وكل الأرقام عمالة تقع، ولما سألنا الدكتور إيه اللي بيحصل قالنا ده الطبيعي وخرجنا بره، ويوم الوفاة أنا كنت رايحة لها في الطريق وكأني مستمعتش كلام الدكتور لقيت المساعدة بتاعته بتكلمني قبل ما أوصل بدقايق بسيطة بتبلغني أن والدتي توفيت".