أعرب الإعلامي محمد موسى عن حزنه الشديد لمصرع شاب يدعى محمد ضياء تحت عجلات سيارة سائق متهور أثناء عبوره شارع الخميسين في زهراء المعادي.

وأضاف محمد موسى خلال تقديم برنامج "خط أحمر" على قناة الحدث اليوم، "شاب زي الورد .. مات لأنه كان عاوز يشرب حاجة ساقعة.. مات علشان كان عاوز يشتري حاجة ساقعة الشاب اسمه محمد ضياء كان بيعدي الطريق في شارع الخميسين في زهراء المعادي .. لكنه للأسف دهسته عربية بيقودها شخص متهور ماشي بسرعة جنونية وكأن أرواح الناس بقت لعبة".

تابع: "مشهد مؤثر جدا الله يرحمه .. محمد اتنقل لمستشفى المبرة لكن للأسف توفى ربنا يرحمه والنيابة صرحت بدفنه .. محمد مش أول ضحية لحوادث السرعة الجنونية على الطرق .. ومش عارف سلوكياتنا إمتى هتتغير .. إمتى اللي سايق على الطريق يعرف إنه في لحظة ممكن يموت شخص ويدمر مستقبل أسرة بالكامل .. ربنا يرحمك يا محمد".