طمئنت الإعلامية بسمة وهبة جمهورها، ونشرت فيديو لها أثناء رجعوها لمصر، بعد أخر عملية لها في لندن، عبر انستجرام.

وقالت بسمة وهبة: الحمدلله والشكر لله عودًا حميدًا وكل عسر بيجي بعده يسر ومهما قعدت أشكر عمري كل الناس اللي سألوا عليا مش هيكفي، أنا شوفت دعم وحب كبير من ناس كتير مش هقدر أوفيهم حقهم بجد.

وكشفت وهبة أنها تتمنى الذهاب لأداء مناسك العمرة، كما أعلنت عن مفاجأة بشأن برنامجها الجديد، قائلة: أنا حاليًا راجعة القاهرة مع بنتي خديجة، وكل اللي نفسي فيه ربنا يكرمني وأروح عمرة وأشكر الله سبحانه وتعالى، وبإذن الله يوم الإثنين المقبل هرجع لبرنامج 90 دقيقة، وأنتظروني ومحدش هيوقفني.

ويذكر أن نشرت بسمة وهبة فيديو قبل خضوعها للعملية ووجهت رسالة للجمهور عبر انستجرام: واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة اتكلم لما أقدر حكلمك راحت ردت عليه قالت لي آه مانتي مشغولة صحيح كل يوم في بلد وبتتفسحي فعاوزه أقولها هي واللي زيها إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة.

وتابعت: لأن صاحبتي ماتت قبلها بيومين حتي وأنا في البنج وتعبانة حزينة عليها وبدعيلها، وممكن أكون مسافرة اتعالج مش اتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك أنت واللي زيك ربنا ما يحكم عليكي يا بنتي باللي في الواحد، وأحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا أنا صاحبتي وفاء ماتت من الحسد.