وجد الفنان محمد هنيدي حل للشباب والرجال الذين يعانون من مشاكل بسبب ملابس البحرمن خلال مشروع جديد أطلق عليه "أبو كلسون" وذلك عبر حسابه الرسمي بموقع التواصل الإجتماعي فيسبوك.

وكتب هنيدي عبر فيسبوك: لكل الرجالة اللي كانت بتتكسف تنزل الشواطئ بكلسوناتها، أنا قدرت أحولكم الكلسون لبراند، هتقدر تنزل بيه ١٧٧ شاطئ في مصر من افخم الشواطئ.

وتابع: محدش هيقدر يمنعك ولا يتريق عليك لانك لابس براند بـ ٦ الاف جنيه، ويشمل الدخول للشواطئ والفنادق اللي فوق ٥٠ اف جنيه في الليلة وممكن تدخل بيه من بوابات مارينا بدون ماحد يكلمك، أول ما يشوفوا الكلسون هيدخلوك علطول متوفر بكل ألوان الطيف "ناقصة لون".

وحصد هذا المنشور تفاعل كبير، وصدقه بعض المتابعين لمحمد هنيدي، ليقوم بهذا التعليق لكي يوضح أنه يمزح فقط، قائلًا: طبعا الكلام هزار، البسوا اللي تحبوه في اي مكان عايزينه .. مش لازم تلبس حاجة غالية عشان تعجب الناس ويقولوا ده ابن ناس ... زي ما قال ابويا "ياما ناس لابسة بس قليلة الرباية" .. واللي يحكم عليك بلبسك بيبقى عقله اصغر من عقل بسيط في اسبونج بوب، مع الإعتذار لبسيط.