تحدث الفنان محمد نجاتي عن منشور الإعلامي عمرو الصحصاح الذي قارن فيه بين أميرة كرارة وأحمد نجاتي، وهدد بإعتزال الفن، مؤكدًا أنه ليس لديه رفاهية الأختيار في الأدوار بسبب الإلتزامات التابعة له.

محمد نجاتي يهدد بإعتزاله الفن: "هريحكم كلكم مني"

وقال محمد نجاتي: “أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، وعاوز أقول أني ما كانش ليا دخل في ترشيحي لمسلسل محمود المصري، مع محمود عبد العزيز، ترشيحي جاء من خلال الدكتور مدحت العدل وهو حي يرزق يسأل”.

وتابع: “بالنسبة للبوست اللي قال الأستاذ عمرو الصحصاح فيه شوف كرارة فين ومحمد نجاتي فين، دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الممثلين وأتمنى أشارك فيها، ولكني مضطر اشتغل حاجات علشان أكمل بقيت حياتي لأن عندي التزامات”.

واختتم كلامه: “مش مبسوط بالحاجات اللي بقدمها وأحيانا بضطر أقبل حاجات مش راضي عنها علشان أقدر أكمل حياتي وإذا كانت الوضعية دي مضايقة ناس ممكن اعتزل واريحكم كلكم مني وتبقى نهاية الحكاية”.