طلب تامر حسنى، من جماهير القطبين، نبذ التعصب والخلافات بينهما، وذلك قبل ساعات قليلة من مباراة نهائى دورى أبطال إفريقيا.

وكتب تامر حسني، عبر حسابه الرسمى على "فيسبوك": "زمالك أو أهلى يعنى مصر، والدنيا كلها بتتفرج النهاردة على أولاد مصر، وبعون الله هنرفع راس مصر لإن النتيجة أيا كانت فهى مصرية".

وأضاف: "رأيى الشخصى المُتواضع، مهما اتكلمنا كلنا فى الروح الرياضية الجميلة فى كرة القدم مش هيكون كلامنا مؤثر زى أصحاب الرياضه نفسها، يعنى لو صداقتهم الطيبة تبان فى العلن من خلال بوستات فيها سلام بين اللاعبين، هتخليهم ينقلوا الروح السلمية دى للناس ولكُل الجماهير، ولو أثناء المباراة حد خبط حد يعتذر له ويطّمن عليه، الناس فوراً هتفرح بالروح دى والروح دى هتنتقل للبيوت وللجماهير ومش هيكون فى أى نزاعات، ولو المباراه خلصت وكل لاعب جرى حضن لاعب من الفريق التانى فعلاً هيخلوا الناس فى البيوت وكل مكان فى نفس حالة السلم اللى هيصدروها، حتى لو إدارة كل نادى ألزمت كل فريق بالروح دى إجبارى لإن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس".