مابيحصلش إلا عندنا في مصر.. تدخل محل ملابس للشراء.. قميص..بدله..فستان..بلوزه...بنطلون... تلاقي البياعين والبياعات حاصروك من كل حته واتلموا حواليك كأنك عامل مصيبة.

يا دوب تمسك أو تبص على حاجة.. تلاقيهم كلهم عاملين زي الكاست الخربان ، ده حلو عليك يافندم..يا مدام
هياكل من جسمك حته .. ده شيك في اللبس قوي .. ده يمشي مع جسمك... ده وده وده.. ألوانه كلها موجوده...
ده موديل اول مرة ينزل في السوق.

لدرجة انك بتلاقي نفسك مرتبك.. لا عارف تركز ولا تفكر.. ويمكن كمان تنسى انت كنت دخلت..
المحل علشان تشتري إيه.. وياسلام لو أنت عندك خجل اجتماعي وبتتكسف هيبقى يوم أسود عليك لأنك هتدبس وتشتري وأنت مش مقتنع تماما باللي أنت اشتريته.

وبعدين ترميه في الدولاب لحد ما العته تاكله بصوا ياجماعة..غلاسة بغلاسة لما تدخل محل وعاوز تشتري ملبس معين وتلاقي هجوم عليك من البياعين كدة.. قولهم بصوت عالي فيه حزم وحسم... ممكن تبعدوا عني وتسيبوني أتفرج براحتي أنا مش ضعيف النظر ولا شيش بيش.. لو عجبني حاجه وحبيت استفسر عنها
هسألكم.. غير كده ياريت تخلوا وتبعدوا عني.

مش معقول الهيصة اللي أنتم عاملينها دي بالأمس قولت للبياع الغلس... هو مين اللي هيلبس أنا ولا أنت..
لون وشه جاب كاروهات... أحسن يستاهل.. احيانا #غلاستك سبب راحتك
#مجرد _خاطرة