علق الفنان والمطرب مصطفى كامل على صورة الموسيقار عمار الشريعي التي عرضها عليه الإعلامي محمد موسي خلال حواره في برنامج خط أحمر المذاع علي فضائية الحدث اليوم، قائلاً "أنا أخدت شرف دخولي النقابة وهو كوني أقعد في يوم من الأيام كمسؤول استماع مع الفنان عمار الشريعي".

وأضاف مصطفى كامل أن الفنان عمار الشريعي قال له أنت فنان، "وإيه اللي دخلك النقابة وأنت بتاع فن ومكسب"، ومضيفاً "ماحدث بيني وبين الفنان إيمان البحر درويش بسبب الوباء الموجود بالنقابة، وحدثت الخلافات نتيجة دخول الشيطان بينا، وكان إيمان معايا في الانتخابات وفي المحكمة، وفي صفي لأننا أيقنا كنجوم كبار أن هؤلاء لعبوا بنا، ولو الدولة ما أخدتش بالها منه هيستشري أكثر من كده".

وتابع كامل، "أنا اتحاربت وأنا نقيب للموسيقيين لمحاربتي للفساد والحمد لله محدش يقدر يقول فيا كلمة، والحرامية الموجودين بالنقابة معروفين للدولة، ومع ذلك موجودين واللي بيصعب عليا الناس دي بتنجح وبتقود مهنتي ومسكتهم أمام أعضاء مجلس موجودين دلوقتي وسابقين وتمسك حرامية وينجحوا ويزوروا تاني".

وناشد مصطفى كامل، الرئيس عبدالفتاح السيسي، بالتدخل قائلا "بصوا للي بيحصل في النقابة لأن الحرامية دي وقعت نجوم كبار في بعضهم ومعروفين بالاسم، وللأسف هما اللي بيديروا العملية الانتخابية".

ووجه مصطفى كامل رساله للفنان هاني شاكر، قال فيها "راعي ربنا بقى، وأنا بعتلك عن حاجات كتير وشكرتني على دعمي لك في قرارات بتاخدها، ولفتت نظرك لحاجات كتير، وبقولك عندك ناس فاسدة، لقيته بيرد عليا ربنا يحفظنا يادرش".