كشف الفنان سليمان عيد عن رأيه في خاصية الذكاء الاصطناعي والتي أصبحت منتشرة بشكل كبير عبر مواقع التواصل الإجتماعي المختلفة وبدأ يعاني منها بعض النجوم والمشاهير في الفترة الأخيرة.

وقال سليمان عيد في تصريحات صحفية له: الذكاء الاصطناعي ممكن نستفيد منه بحاجات كويسة لكنه في نفس الوقت بيفقد كاريزما الممثل، وممكن نستغله فإننا نعمل حاجة كويسة ومضحكة، وممكن نعمل فيلم فكرته عن الذكاء الاصطناعي ولكن هيحتاج مخرج شاطر.

وتحدث أيضا سليمان عيد عن الفنان كريم محمود عبد العزيز، حيث قال: كريم محمود عبد العزيز حبيب قلبي ومحضرين حاجة حلوة قريب هتعجبكم.

وتطرق بحديثه عن نجاحات فيلم بيت الروبي حيث قال: فيلم بيت الروبي جميل جدا وبيتكلم عن السوشيال ميديا وأثرها السلبي علينا وازاي نعالجها والفيلم أما يكون بيتكلم عن حاجة احنا عايشنها بيكون أحلى من أي فيلم تاني بيتكلم عن حاجة خايلية مش عارفنها.

وكان قد تحدث سليمان عيد في تصريحات تليفزيوينة عن كريم محمود عبد العزيز، فقال: اعرف كريم وهو طفل في فيلم الناظر، واتقبلنا عند أحمد السبكي، وكان دايما طموحاته أكبر من أعماله في بدايته، ودرس اخراج لكنه نساه في الفن، وبقينا جيران وكنا بنقابل عند محمد إمام وكان عايز يمارس مهنة الاخراج وبدأنا نعمل الحاجات دي لوحدي وبعدين قولتله لازم تظهر معايا لان الحاجات دي عملت معانا مردود حلو جدا.