تحدث الفنان محمد عبدالرحمن «توتا»، عن تفاصيل أول مكالمة له مع الفنان أمير كرارة، مشيرًا إلى أن «كرارة» اتصل به للإشادة بمشاركته في مسلسل «الكبير».

وقال خلال لقاء لبرنامج «معكم»، الذي تقدمه الإعلامية منى الشاذلي عبر فضائية «CBC»، إنه فوجئ باتصال من رقم غير معروف أثناء وجوده داخل تاكسي بمنطقة صلاح سالم.

وأضاف: «قال لي: عامل إيه، وإيه الأخبار، أنا بحبك وأنت جامد جدا وبتضحكني، أنا بعيد الحلقات وأخش أشوفها وكل يوم بتفرج عشانك أنت، كنت طاير من الفرحة، لأنه بيقول كلام زي العسل زيه».

ولفت إلى أن «كرارة» لم يفصح عن هويته إلا في نهاية المكالمة، معقبًا: «قال لي أنا واحد اسمه أمير كرارة، والله العظيم السواق اتخض لما صرخت من الفرحة.. هو من الناس اللي تجبر بخاطر الناس جدا».

من جهته، أوضح «كرارة» أنه حريص على الإشادة بالأعمال الجيدة، قائلًا: «إيه المشكلة لما أشوف حاجة حلوة أقول عليها حلوة، ولو حد عمل حاجة كويسة أقول له أنت حلو وأبارك له».

واستطرد: «إيه المشكلة إننا نحب بعض ونبارك لبعض وكلنا نبقى حلوين، أنا مبستناش من حد حاجة، بحب لما أشوف حاجة حلوة أشيد بها، وفي ناس كتير بتعمل كده».