تراجعت الفنانة ميرهان حسين عن اعتزالها التي أثارت به الجدل في الأيام الماضية ما جعلها عرضة للهجوم والانتقادات من قبل عدد كبيرمن النقاد والفنانين.

وقالت ميرهان حسين في فيديو عبر حسابها الرسمي بموقع تبادل الصور والفيديوهات انستجرام: "اختفيت عشان أرجعلكم أحسن من الأول، وكنت محتاجة فترة عشان أقدر أرجع ذي الأول تاني، وبعتذرلكم عن الاختفاء ده وحابة أقول شكرا لكل صحابي وأهلي وزميلي والناس اللي بتحبني".

وتابعت حديثها: "أنا بعدت عشان مكنتش في أحسن حالاتي وإن شاءالله الأيام الجاية، أما بالنسبة لإعتزالي فمكنتش اقصد إني اعتزل الفن كان قصدي اعتزل السوشيال ميديا والناس لفترة لأني كان عندي فترة احباط لكن بوقفتكم جمبي وحبكم ليا قدرت أعدي الفترة دي".

وكانت أعلنت ميرهان حسين اعتزالها منذ فترة، فقالت: "اجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي، تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل".