كشف مطرب المهرجانات الشعبية عمر كمال حقيقة ارتباطه وانفصاله عن خطيبته في الأيام الماضية بعدما انتشر له فيديو يعترف به بذلك، مؤكدا أن تلك الأنباء عارية تماما من الصحة.

وأوضح عمر كمال حقيقة الأمر، فقال: “في مذيع بيسألني قبل لقائي معا في سوريا اي يافنان مش مبسوط ليه، قولتله اللي بحبها حصل بينا خلاف من يومين وبحبها جدا وعايز أرجعها، وكان دا برة الهوا وقولتله مينزلش ونزله، وبعدها المواقع بقت تتداول الفيديو وحطين صورة شيماء مغربي وهي انسانة مخطوبة واللي بينا أغنية فيها لفلفلة، طب خطيبها منظره قدام أهله وصحابه إي؟.. محدش كلمني ولا وجهلي اي حاجة.. مبتفكروش في الناس”.

وأضاف كاشفا علاقة بندى الكامل وسمية الخشاب: “واي ندى الكامل دي كمان أنا لما أحب أصرح بحاجة هقول.. أنا مبحبش أطلع تريند ببنات خالص.. وشيماء المغربي كانت أغنية وأنا مالي بسمية الخشاب دي واحدة جت دقت بابي عايزة تعمل أغنية وقولتلها عشان تنجح لازم شروط وهي معلمتهاش فراحت في حتة تانية.. أنا بشتغل بشغلي مش بترينداتي مش بحريم.. وسمعة الناس حاجة مهمة هتتسألوا عليها”

واختتم عمر كمال حديثه، معربا عن غضبة بما يتداوله رواد السوشيال ميديا سواءا عن خطبته أو قبلته لـ عبد الباسط حمودة، فقال: “اللي بيحصل ده قلة ذوق.. وانا مش بطلع أعمل فيديوهات عمال على بطال واللي بتقولوا عليها بنفذه، ومش أنا اللي بطلع تريند بحريم أنا بطلع بشغلي ومجهودي”.