خرجت خبيرة الموضة والتجميل أمينة شلباية للرد على منتقديها بعد فيديوهاتها المتداولة بشأن إتكيت الأكل والجلوس وغيرها، والذي وجدها الجمهور بأنها تعمل على تعقيد الأشخاص.

وقالت أمينة شلباية خلال برنامج et بالعربي: “مبيزعلونيش خالص ولا بيتهزلي شعرة أبدًا، بالعكس دمهم خفيف جدًا وأنا كمان بتفرج عليهم، وفي فيديوهات كتيرة بتضحكني.. والفكرة إن دي حاجة مش أنا اللي كتباها دي مادة بتدرس وهو ده الإتيكيت”.

وتابعت: “: فرحت إن أنا أثرت في الناس، سواء الناس اللي قاعدة بتتريق أو الناس اللي عايزة تتعلم، ولما الفيديوهات دي بتتنشر يمكن في ناس مش لاقياني على السوشيال ميديا أو ناس يمكن متعرفنيش أصلًا هتبدأ تتابعني”.

وسبق وأن قالت أمينة شلباية في مداخلة هاتفية لها ببرنامج كلام الناس الذي تقدمه الإعلامية ياسمين عز عبر شاشة قناة Mbc مصر الفضائية: “طول حياتي بقدم اتيكيت في برامجي لكن مكنتش بدرسها ولا أركز فيها”.

وتابعت: “الأمهات بتشجعني أكمل فيديوهات الاتيكيت للأكل رغم سخرية السوشيال ميديا مني وأضحك على الفيديوهات التي تسخر مني لا تغضبني على الإطلاق.. الموضوع محتاج وقت ووعي الناس هيتطور ويتقبلوا فيديوهات الاتيكيت اللي بقدمه”.