فتحت الإعلامية أميرة عبيد النار على الإعلامية رضوى الشربيني، بعدما نشرت الأخيرة منشورا على صفحتها بمواقع التواصل تهاجم فيه الرجال، حيث قالت "هتديله أكبر من قيمته هيديلك أقل من قيمتك.. هي الدنيا كده".
وأضافت أميرة عبيد خلال تقديم برنامج "هي وهما" على قناة الحدث اليوم، "أنا مش عارفة دنية إيه اللي بتتكلمي عليها، الدنيا مش كده، وعمرها ما هتكون بأسلوب تفكيرك، يعني إيه هديله أكبر من قيمته هو الرجل بقى سلعة في نظرك، المفروض إن الستات متحترمش الرجالة وتقلل شأنهم، إللي أحنا اساساً مخلوقين في الدنيا من ضلعهم وبنقوي بيهم".
وتابعت: "عايزة الستات تتعامل مع رجالتهم على أنهم سلعة رخيصة.. بصراحة أنا ضد وأرفض ولا أسمح لحد إنه يتعدى حدوده على رجالة بلدي، لوكنتي فعلاً عايزة تعملي تاريخ مهني محترم اطلعي وعي ونصحي بالحق وبلاش عنصرية وتضليل.. وبرضه تبقى العادات والتقاليد والدين أقوى منك ومن تفكيرك يا رضوى".