وجه الإعلامي محمد موسى، رسالة مهمة إلى الدكتور طارق شوقي، وزير التربية والتعليم، في رابع أيام امتحانات الثانوية العامة، بشأن زيادة مكافآت المعلمين المشاركين في المراقبة على لجان الامتحانات.

وقال "موسى" خلال برنامجه "خط أحمر" المذاع عبر فضائية الحدث اليوم: "عايز أقول رسالة مهمة للسيد وزير التعليم، هو ليه ميبقاش فيه مدرسين اعتذروا عن المراقبة ولكن الأكثرية راحوا يراقبوا، ليه ميبقاش فيه مكافآت إضافية للمعلمين والمدرسين اللي بيراقبوا، دول دورهم لا يقل عن دور الأطباء في مواجهة كورونا".

وتابع: "ليه المكافأة اللي بيحصلوا عليها من الامتحانات من 2014 مزادتش، ده بخلاف أنه كمان المفروض كان يتصرف مكافأة 5 أيام لكن بقت 3 أيام، رجاءً نظرة من وزارة التعليم لكل الأمور اللي أثارتها لو كان فيه إمكانيات".