• الرئيسية
• توك شو

عرض الإعلامي محمد موسى مقطع فيديو يظهر فيه تكدس المواطنين أمام أحد أحد السجلات المدنية لاستخراج شهادات ميلاد للتقديم لأبنائهم بالمدارس.

وقال «موسى» خلال برنامجه "خط أحمر" المذاع عبر فضائية الحدث اليوم، "مش هبعد بعيد عن كورونا المدارس بتطلب من أولياء الأمور إنهم وهما بيقدموا لأولادهم بالمدارس إنهم يجيبوا شهادات ميلاد لأولادهم حديثة وبتاريخ 2020 طيب أنا لو عندي لابني شهادة ميلاد من السنة اللي فاتت ولا اللي قبلها أيه المشكلة فيها هل مثلاً بياناتنا بتتغير ولا دي بيانات ثابتة ومش بتتغير نهائي، اعرضوا الفيديو بدون صوت وأنا بتكلم لأن الناس ثايرة جدا بسبب التكدس اللي اتفرض عليهم عشان يقدموا لأولادهم بالمدارس.

تابع: "هو قرار زي ده لما جه يتاخد مفكرناش إن ده هيوصلنا للمشهد اللي قدامنا ده ولو الناس اللي واقفه دي فيهم واحد مصاب بالفيروس هينقله لكل اللي واقفين، ارحمونا يرحمكم الله، وهنا بوجه للسيد وزير التربية والتعليم كلامي وبقوله رجاء بلاش الشروط اللي ملهاش لازمة دي واللي عنده شهادة ميلاد من قبل 2020 مش لازم يروح يجيب شهادة جديدة ياسيادة الوزير الأمور مش ناقصة عندنا فيروس اسمه كورونا عندنا وباء ياسيادة الوزير".