• الرئيسية
• رياضة

أعرب مصطفى شوبير، حارس النادى الأهلى الصاعد، عن حزنه لرحيل الحارس الكبير شريف إكرامى، عن صفوف القلعة الحمراء، قائلا: "أنت دايما بالنسبة ليا أخويا الكبير وأبويا وصاحبى، ومن أكتر الناس اللى وقفت جمبى وجمب أى حد، لأن أنت فعلا أجدع صاحب وأخ ممكن الواحد يتعامل معاه".

وكتب شوبير الابن، عبر حسابه على إنستجرام: "كان حلم ومن أحلامى إنى أبقى جمبك فى تمرينه واحدة بس ومش عايز حاجة تانى، كنت أسمع دايما إنى هقابل حد جدع بس الكلام اللى بيتقال ده طلع ولا حاجة بالنسبة للى شوفته منك يا كابتن شريف، يمكن أنا دايما أقولك كده".

وأضاف شوبير: "أنت دايما بالنسبة ليا أخويا الكبير وأبويا وصاحبى، ومن أكتر الناس اللى وقفت جمبى وجمب أى حد، لأن أنت فعلا أجدع صاحب وأخ ممكن الواحد يتعامل معاهم ولسه الموسم مخلصش ومتمناش إنه يخلص عشان لحظة قبل ما تبقى صعبه عليك هتبقى صعبة علينا إحنا أكتر، وإن شاء الله تشيل إفريقيا، ربنا معاك ويكرمك يا كابتن شريف وإلى لقاء آخر إن شاء الله، وحش أفريقيا".

كانت لجنة التخطيط للكرة بالنادى الأهلى، قد عقدت اجتماعًا مع شريف إكرامى وعبرت عن شكرها وتقديرها للحارس الكبير وما قدمه من جهد وعطاء على مدى سنوات طويلة، وجاء الاجتماع ترجمة لقيمة إكرامى بوصفه أحد أبناء الأهلى الذين ساهموا بالجهد والعرق فى رفعة اسم ناديهم، وناقش الحضور رغبته فى المشاركة فى المباريات، وأنه تحمل الكثير جراء ابتعاده عن الملعب، وأن دوره كلاعب فى الفريق سوف ينتهى بنهاية الموسم الجارى.