في صنف من الناس.. مايحلالوش ينتقدك ويلومك .. ويعتب عليك ويمص دمك.... إلا في لحظات انفعالك وعصبيتك..

وطبعا ..لما تنفجر في وشه.. يقولك بص..خير تعمل شر تلقى.

ياجماعة، العتاب واللوم في لحظات الانفعال.. زي القنبلة الموقوته المدمرة.. ومهما كان النقد صحيحا وموضوعيا ومفيدا

مش هيوصل معناه ولا مغزاه .. للشخص المكسور والمنهار انفعاليا.

علشان كده.. لما يكون اللي قدامك عصبي ومنفعل..لدرجة انه مش قادر يسيطر على انفعالاته.. ياريت في اللحظه دي تحديدا.

يا إما #تبعد عن وشه خالص لحد ما يهدى، أو تعمل كل ما في جهدك #لإحتوائه للإقلال من حدة توتره.. لكن تفضل تغرقه بنصايحك وارشاداتك وتوجيهاتك ومواعظك .

كل ده في التوقت ده.. مش مفيد لا ليك ولا له.. لأن الغضوب أو النرفوز في الوقت ده.. بيكون لا سامعك ولا شايفك ولا فاهمك.. ولا طايق نفسه ولا طايقك .. ولا حتى طايق اي حد في الدنيا.. وياسلام كمان لو مع نصايحك دي.. اديتله كمان شوية انتقادات وجيت عليه.. وانتقدته وبينت له إنه غلطان..

اعتقد واتوقع بنسبة عاليه قوي..إنه هينفجر في وشك اكتر واكتر... وغضبه ممكن يزيد ويزيد ويمكن يشوطك انت كمان قدامه..

#فن إدارة التفاعلات الإنسانية

#مجرد _خاطرة