علق الإعلامي عمرو أديب، على الصور المولدة بتطبيق الذكاء الاصطناعي على منصة «فيسبوك»، والتي تصور أماكن مختلفة بتصميم مستوحى من أسلوب رسم عالم «قاع الهامور» من المسلسل الكرتوني الشهير «سبونج بوب».

وكتب في تدوينة عبر صفحته الرسمية بمنصة «إكس»، اليوم الأحد: «طيب بصرف النظر عن موضوع الهامور والبلطي والحاجات اللطيفة دي. استرعى انتباهي كيف تنجح مصر في خلق الفيلم وإخراجه وإنتاجه».

وأضاف: «فجأة بقى موضوع أمني سياسي حساس، مين قال محدش عارف، البلد مهزوزة وفيه اضطرابات، مين قال محدش مش عارف، وبعدين الناس اللى مش عارفة ردت على الناس اللى متعرفش برضه، إنه مصر أقوى من الهامور والوقار، وبعدين ظهرت فئة تالتة متعرفش حاجة برضه، إن دول إخوان طبعا وتنظيم دولي كمان. فيه مجموعة رابعة مش مطلعة خالص أكدت أن الدولة بتدرس الموضوع وبتقيمه».

واختتم: «مصر جميلة، عملت الهامور ودبحت الهامور، وخلته تريند نمره واحد. بس موضوع السد مش وقته، ومصاريف المدارس بعدين، والدعم العيني له رب يحميه، وتعادل الزمالك مش في الأجندة، أما الهامور هو الأعلى والأهم».