قال الشيخ خالد الجندى، عضو المجلس الأعلى للشئون الإسلامية، إن السحر انتهى إكراما لسيدنا محمد صلى الله عليه وسلم، بنزول المعوذتين، موضحا: "الناس اللى بتقول النبى اتسحر، لم يفهموا القرآن الكريم".

وتابع الجندى، خلال حلقة برنامجه "لعلهم يفقهون"، المذاع على فضائية "dmc"، اليوم: "لو قولنا إن السحر موجود، يبقى كده بنطعن فى القرآن، وقول الله تعالى (من شر النفاثات فى العقد)، له اكثر من تفسير منها الناس اللى بتمشي بالنميمة وتوقع الناس فى بعضها، جايبينها ليه فى السحر بقى".

استنكر الشيخ خالد الجندى، عضو المجلس الأعلى للشئون الإسلامية، الحديث عن وجود السحر، وتأثير الجن، قائلا: "عمرك سمعت عن واحدة فى فرنسا عليها جن، ولا امريكانية عاملين لها زار، ولا بلد فى بلجيكا بيحرقها الجن، والناس بتجرى فى الشوارع، كفاية بقى تغييب للعقول".