• الرئيسية
• رياضة

قال الإعلامي محمد موسى، إن الأندية هي المتهم الأول في ارتفاع أسعار اللاعبين خلال الفترة الماضية، لافتا إلى أن الأسعار مبالغ فيها بشكل كبير ولا يوجد لاعب في مصر يستحق راتبه أو ما يدفع فيه مقابل انتقاله لأحد الأندية الأخرى.

وأضاف محمد موسى خلال تقديم برنامج "خط أحمر" على قناة الحدث اليوم،: "بنشوف حاجات غريبة و بنسمع أرقام أغرب كمان و بعدين دلوقتي الأرقام دي بقت عادي جدا و كله بيغالي في المطالب و الموضوع ده كانت بدايته في ٢٠١٨ لما ابتدي المستثمرين الأجانب في دعم بعض الأندية المصرية و كأنها مزاد".

تابع: "الأندية هي السبب لأنها تقوم بعمليات المزايدة علي اللاعبين فتكون النتيجة ارتفاع أسعارهم، وإن الأمر مجرد عرض وطلب لأن اللاعب أشبه بالسلعة، وبالتأكيد أن الأسعار مش هتقل ولكنها ممكن توقف بسبب الظروف المالية السيئة لكثير من الأندية.

أتم: "هناك مبالغة كبيرة في أسعار اللاعبين في الفترة الأخيرة، لأنه ببساطة مفيش لاعب يستحق كل هذه الأرقام التي تدفعها الأندية التي تعتبر المتهم الأول في ده، وبسبب ده مش هتقل الأسعار يوم من الايام ، لأن اللاعبين تعودوا علي الأرقام دي، ولو ملقوش أندية محلية تدفع لهم هيتجهوا إلي أندية عربية الي دائما علي استعداد لدفع مبالغ مالية كبيرة".