سترونج اندبيندنت وومان أو سترونج اندبيندنت جيرل -امرأة قوية مستقلة- ليس معناه أن تتحول الأنثى لشخصية مسترجلة أو أن صوتها يصبح عالى اثناء حديثها.

للأسف حولت النساء المصريات المصطلح المستورد على ثقافتنا إلى معنى أخر يتنافى كليا مع مضمونه وأصله والهدف منه، فليس معنى امرأة قوية مستقلة أنكى تتعاملي مع الراجل انه منافس لك... أو أنك تفتكري الرومانسية هبل وضعف...أو انك تنسي حاجه اسمها ماكياج أنثوي...أو أنك تقولي مش محتاجه دعم من اي حد أو تبقي جريئة زياده عن اللزوم.

كذلك ليس معنى سترونج اندبيندنت وومان انك بتخاطري وتغامري بأي حاجه وفي اي وقت أو إنك تتخلصي من الحياء والخجل المعقول أو إن دولابك مافيهوش فساتين سهرة..وكلة بنطلونات وتي شيرتات بس أو انك ماعندكيش جزمه كعب عالي وصندل وكلة كوتشيهات..مش معناها انك مخاصمة حاجه اسمها مسكرة وروج وشادو وأي لينر وبرفن أو انك على طول رافعة ياقة قميصك.. زي العيال البلطجية ورابطة شعرك على طول بأستك

مش معناها من الاخر كده.. انك تنسي انك انثى... لو انت من الاسترونج ده يبقى لازم تعرفي ان الراجل الحقيقي مش بيحبك ولا هيقرب منك ولا هيرتبط بيك..اللي هيحبك وهيقرب منك ويرتبط بيك راجل بيقولوا عليه خالي الدسم ومخنس نفسيا علشان تقدري تسيطري عليه وتمشيه زي ما انت عاوزه...ياحببتي لازم تفهمي الاسترونج اندبيندنت وومان معناها انك تكوني واثقة من نفسك معناها انك تقدري تاخدي قرار وتدافعي عنه معناها انك تتحملي مسؤلية أقوالك وافعالك معناها إنك يكون عندك هدف بتحاول تحققه بإرادته معناها إن مفيش حد يستغفلك ويستهيفك ويستعبطك معناها إنك تقدري تقولي لأ لو الظروف حكمت بكده..يارب تكون فاهمه مش حافظه.