علقت الفنانة ميار الببلاوي على تصريحات الأزهري محمد أبوبكر عنها بعد ظهورها في برنامج «العرافة» وتأكيدها أنها عادت لزوجها الأول بعد 3 زيجات لها.

وخرجت ميار الببلاوي في بث مباشر شاركت فيه جمهورها، عبر حسابها الرسمي بموقع التواصل الاجتماعى «إنستجرام»، وتحدثت خلاله، وهي منهارة من البكاء قائلة: «النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة، ومرضتش أسيبها لوحدها، وقلت هروح معاها وأسلم عليها، وأنا داخلة، أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء، ولكن سبحان الله يمكن نزغ شيطان أو فتنة أو حديث نفس، ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه».

وأضافت «الببلاوي»: «أول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه، وقال لي إنتِ جيالي علشان حطيتك على المرجيحة امبارح، فقلت له مش فاهمة، فقال لي أصل امبارح كنت جاي عليكِي جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي أنتي قولتيه مع بسمة)، لكن ما حدش فكر أنه معمول مونتاج علشان يطلع ترند ونص الكلام مقصوص من الفيديو».

وتابعت: «لما شفت الفيديو، لقيته متكلم عليا وحش وخاض في عرضي، حسبي الله ونعم الوكيل فيك، أنا سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني ادفن نفسي مع أمي!».

وأردفت: أنا شبعت ظلم ومحدش اتظلم قدي، والمشكلة أني كنت راضية باي حاجة وظلموتني في مليون موضوع وتوصل لحد شرفي وعرضي وشرف ابني وشيخ يقول أني زانية، أنا معايا ماجيستير في الفقة المقارن ودكتوراه وبرامج دينية وبحتسبها تكون عند ربنا وفي ميزان حساناتي وأنا أم راجل وزوجة راجل وست صعيدية حرام عليكم قطعتوني وإخواتي مبقوش يكلموني وابني مش بيمكلني وصاحبة القناة زعلانة مني والدنيا مولعة عليا بقول يا رب انا معملتش حاجة غلط ولو زي الستات اللي بتمشي في الحرام ماكنش اتجوزت على سنة الله ورسولة حرام عليكم من عاب ابتلى.

وفور انتهائها من الحديث قامت ميار بحذف البث المباشر الذي خرجت خلاله ترد على الشيخ الأزهري، وكانت قبل خروجها إلى البث قد شوقت جمهورها بمنشور قالت فيه: «أهم لايف في حياتي.. كله يجمع»