وجهت الفنانة هنا الزاهد، طلب من جمهورها، بالدعاء لها من خلال نشرها صورة دعاء شفاء المريض عبر حسابها الشخصي بموقع التواصل الاجتماعي لتبادل الصور والفيديوهات «إنستجرام»، بعد تعرضها لوعكة صحية شديدة خلال قضائها شهر العسل مع زوجها الفنان أحمد فهمي.
 

ونشرت هنا الزاهد دعاءً يقول: «اللهم اشفني فأنت القوي لا شافي سواك.. اللهم أنت أعلم بوجعي .. ربي اشفيني شفاء لا يغادر سقما عاجلا غير آجل.. اللهم أخرج كل سوء ومكروه من جسدي».
 

من ناحيته، حذف الفنان أحمد فهمي، الصورة التي نشرها عبر حسابه الرسمي على «إنستجرام»، وظهرت فيها زوجته الفنانة هنا الزاهد وهي ترقد على سرير بـ المستشفى بعد تدهور حالتها الصحية، وذلك بعد دقائق قليلة من نشرها.
 

وعلق أحمد فهمى على الصورة قائلا: «عامة أنا مليش في الحركات البيئة زى دى خالص ولا عمرى كنت هجيب سيرة ولا انزل صور زى دى وبقالي شوية بهزر مع صحابي الزملكاوية عالماتش».

وأضاف: «بس احنا برا مصر أنا وهنا وبقالنا يومين بنروح لدكاترة عشان هنا تعبانة ودلوقتى رحنا لتالت مرة عشان تعبت تانى جدا، بجد فيه ناس مركزة اوى اوى اوى معانا لدرجة إن فى مهرجان (مش الجونة) كان من كام يوم مبيسألوش أى حد من الزملاء عن الجائزة اللى واخدها لا بيسألوه عننا وعن الفرح وعن تدخلى فى شغل هنا، والغريب إن فيه بعض الزملاء خاضوا فى حياتنا الشخصية».

وتابع: «بجد شكرا جدا لكل الناس اللى فرحنا لنا من قلبها وربنا يديمكو نعمة.. أما بجد اللى مركزين ارجوكوا الحياة مش ناقصة.. احنا فى شهر العسل وبايتين اهو في المستشفى».