كانت هتموت و أي حد بس يعبرها..

كانت بتتمنى أي برص معدي يخبط على شقتهم..

ويتكلم عنها ويطلب إيديها.

وبعد ربنا ما كرمها واتجوزت... اتمرعت....

وتحولت إلى خبيرة ومستشارة في شؤن الزواج...

الصنف ده منه في السوق كتيييير.. جاتهم القرف

يادوبك البت من دول لسه متجوزة...

ويمكن الحنا ماراحتش من إيديها...

وعامله نفسها خبيرة في عالم الأزواج والزوجات..

وتلاقيها قاعدة.. وسط صاحبتها اللي لسه متجوزوش.. ونازله نخع ندب وهري وفتي وبتشتكي من الجواز وسنينه.

كأنها ولية عندها 100 سنة ومخلفة أورطة عيال..

ونسيت نفسها لما جالها انيميا البحر المتوسط..

علشان عدلها وجوازها اتأخر شوية..

وتفضل تنخع قدام البنات الصغيرات...

وتتمنى ترجع ولو ليوم واحد  بنت زي ما كانت..

من كتر الهم والغم والتعب والإرهاق...

إللي بيجي من ورا الجواز إلى آخر السيمفونية الزفتية..

اللي طول النهار عمالة تعزفها.

وهى أصلا فاشلة وبترمي خيبتها على غيرها..

وكأن الجواز هو السبب مش هى..

إلى المتزوجات حديثا وحتى قديماً ...

اتحدث.....

ياريت ياستات يافاشلات.....

تغيروا شوية من أسلوبكن المستفز ...

في الكلام عن الجواز والمتجوزين...

قدام البنات اللي لسه متجوزوش...

يعني مش معقول كل ماتقعدي مع بنت...

تتطلعي كل العبر في الجواز والمتجوزين

إيه ذنبها البنت المسكينة اللي كلها أمل في الجواز

إنها تسمع منك المآسي دي كلها.

معقول مفيش عندك كزوجة حاجة واحدة حلوة

ممكن تقوليها وتشجيعها ....

كله غم ونكد وقرف وغسيل وطبخ وتنضيف وترويق.

حتى لو افترضنا ياستي إن حياتك كدة...

ليه بتعتبري أن كل البنات اللي بيسمعوكي...

ظروفهن هتبقى فاشلة زيك.....

ياريت تعصري على نفسك لمونة ياحببتي...

وأنت بتتكلمي معهن... .دول لسه بنات صغيرات....

ماتكسريش بقلب البنات دي...

عندك كلمة حلوة قوليها ماعندكيش..

يبقى تخرسي خالص وتحطي لسانك في بؤقك

تنصحيها... أيوه...تخوفيها وترعبيها من الجواز ..لأ.

ده كأس. ...الكل هيشربه هيشربه...

ممكن يطلع عندك جفا ،..

لكن ممكن يطلع عند غيرك  شهد وهنا

مش كده ولا إيه يا صفرا يا عقربة يا معرقبة..

وبدل ما أنتِ نازله فتي وهري على الفاضي والمليان..

ياريت تروحي تحضري الغدا لجوزك..

وتعمليله طبق أوملت وشوية بطاطس محمرة..

وبعدها ادوشينا وصدعينا على الفيس..

إنك تعبتي في تحضير غدا المحروس جوزك...

كلمة للبنات الصغيرات اللي على وش جواز..

لما عقربة منهن تقولك الكلمتين دول...

قوليلها..طيب يا أووختي ...

لما الجواز وحش كدة...

أنت قاعدة لسه مع جوزك وفي بيتك ليه...

والعيل اللي بيجري حواليك ده..

واللي في بطنك ده كمان..

بيقولوا إيه عن الجواز....

لسه وحش بردو....؟ ؟ ؟ ؟

مجرد خاطرة