أثنت المطربة أصالة، على حفلها الغنائي أمس في تركيا.

وكتبت عبر حسابها على فيسبوك، منشورا عبرت من خلاله عن سعادتها به قائلة: "كانت ليلة امبارح بإسطنبول ليلة من ألف ليلة وليلة، حلم عشناه حقيقه صوتي وصل لأعلى وأحلى نقطه براسي، حتى فصلت عن الواقع، بس مو لحالي فصلت أنا وكل الشباب والصبايا والصغار أخدت بإيدهم وروحنا أحلى مشوار".

وتابعت: "الوجوه امبارح كلها شغف وشوق وحب وجمال، وكانت من حلاوة الموجودين صار الشوف دقيق وملامح كل الوجوه انطبعت بروحي، وما بتخيل ممكن أنسى هالوجوه".

وقالت: "وقفت بلحظة أمسك حالي عن بكاء كان ممكن ما يوقف، لما أصوات الشباب عليت وهن عم يقولوا أحلى اسم بقلبي (سوريا)، خفت أضعف، خفت أبكي، خفت ما أعرف كمل ومثل طفله قويه بدها تكمل اللي اتوجدت عشانه غلبت دموعي وكملت".

واستطردت: "شكراً على السعادة اللي غمرتني أمان وفرح ورجعتني لأهلي أسمع لحن لهجتنا وشوف من كل بلد عربي شاب وصبية، قد مافرحوني أنا فرحتهم، شكراً يا أصحابي الأوفياء، يا أخواتي الغاليين على هالزينة الحلوة، اللي علقناها امبارح بليلتنا، على روح من الحزن تعبانة، وقلب من البعد موجوع، لقاءنا دائماً غير على محبة صفائها إنساني ما بتعرف غير لغة وحدة لغة الحب والموسيقى".

يذكر أن المطربة أصالة أحيت حفلًا كامل العدد في تركيا، وقدمت باقة من أشهر أغانيها، وسط تفاعل كبير من الحضور.